Dringum

Alls goht dringum,
Hin ond her, auf ond a
Isch ois grad rum,
Fangt s meh vo voana a

A Ohr wiad nie voll, a Aug kriegt nie gnue
Alle Bächla ond Flüss laufet auf oin Ozean zue
Denksch, hosch ebbs Nuis, doch isch es so it:
Well s Gleiche hot oinar allat scho vor dir ghet

Alls goht dringum,
Hin ond her, auf ond a
Isch ois grad rum,
Fangt s meh vo voana a

Dr Wind bloset dur ond kut dann meh zruck
D Sonne goht auf, hinda na ond isch meh fut
Die Junge gand morge, die Alte vielleicht heit
Erinnerung vom Leabe verschwindt in dr Zeit

Alls goht dringum,
Hin ond her, auf ond a
Isch ois grad rum,
Fangt s meh vo voana a

Streable ond springe, wuehle ond ploge
Was bleibt dir an Gwinn übrig am Obend ?
Alle Wort, die i mach, die strenget sich a
Obwohl i in Wirklichkoit gar nix zum sage ha

Alls goht dringum,
Hin ond her, auf ond a
Isch ois grad rum,
Fangt s meh vo voana a

Alls goht dringum
Blos am Tod duet s dann gschtät
Agreachnet wiad
Dann isch es für mankes z spät




Eine Adaption von Prediger, Kapitel 1. Sehr bekannt, sehr tiefgehend, voller Lebensweisheit. Dieses Lied geht tief in mich hinein, spricht zu mir, lässt mich das Leben, die Kreisläufe spüren und relativiert Vieles.
.